मोदी सरकारने केंद्रीय कर्मचाऱ्यांना महिनाभर आधीच दिवाळी साजरी करण्याची संधी दिली आहे. आज झालेल्या केंद्रीय मंत्रिमंडळाच्या बैठकीत डीए ३८ टक्के करण्याचा निर्णय घेण्यात आला आहे. अशाप्रकारे सरकारने कर्मचारी आणि पेन्शनधारकांच्या महागाई भत्त्यात ४ टक्क्यांनी वाढ केली आहे.
नवी दिल्ली : केंद्र सरकारच्या कर्मचार्‍यांसाठी मोठ्या आनंदाचा क्षण आहे. पंतप्रधान नरेंद्र मोदी यांच्या अध्यक्षतेखाली केंद्रीय मंत्रिमंडळाने बुधवार (२८ सप्टेंबर) महागाई भत्त्यात (डीए) ४ टक्के वाढीची घोषणा केली. या निर्णयाचा फायदा सुमारे १.१६ लाख सरकारी कर्मचारी आणि पेन्शनधारकांना होईल. विशेष म्हणजे केंद्र सरकारने आपल्या कर्मचाऱ्यांना १८ महिन्यांपासून म्हणजे १ जानेवारी २०२० ते ३० जून २०२१ या कालावधीत डीए दिलेला नाही.
केंद्रीय मंत्रिमंडळाच्या आज झालेल्या बैठकीत डीएमध्ये ४ टक्क्यांनी वाढ करण्याचा निर्णय घेण्यात आला, जो गेल्या डझनभर तिमाहींमधील सर्वाधिक आहे. यापूर्वी सरासरी डीएमध्ये केवळ ३ टक्के वाढ करण्यात आली होती, मात्र यावेळी महागाईचा फटका पाहता सरकारने तिजोरी उघडली आहे. आता ५० लाख केंद्रीय कर्मचारी आणि ६२ लाख पेन्शनधारकांना ३८ टक्के डीए (महागाई भत्ता) मिळणार आहे. डीएची वाढलेली रक्कम यंदाच्या जुलैपासून लागू होणार असून मागील महिन्यांची थकबाकीही कर्मचाऱ्यांना दिली जाणार आहे.
केंद्रीय मंत्रिमंडळाने मार्चमध्ये सातव्या वेतन आयोगांतर्गत महागाई भत्त्यात (डीए) ३ टक्के वाढ करण्यास मंजुरी दिली होती. अशा प्रकारे महागाई भत्ता मूळ वेतनाच्या ३४ टक्के करण्यात आला आहे. डीए वाढल्यानंतर कामगारांचे पगार ६८४० ते २७,३१२ रुपयांपर्यंत वाढणार आहेत. केंद्र सरकारच्या कर्मचाऱ्यांना महागाई भत्ता (DA) दिला जातो, तर निवृत्ती वेतनधारकांना महागाई सवलत (DR) दिली जाते. सरकारने या वर्षी मार्चमध्ये डीएमध्ये सुधारणा केली होती, जी नंतर कर्मचार्‍यांच्या मूळ पगाराच्या ३ टक्क्यांनी वाढून ३४ टक्के झाली. जर डीएमध्ये ४ टक्के वाढ झाल्याने डीए सध्याच्या ३४ टक्क्यांवरून आता ३८ टक्के झाला आहे.
💢40 ते 50 वर्षावरील शासकीय कर्मचारी यांची वैद्यकीय तपासणीबाबत २३ सप्टेंबर चा महत्वपूर्ण शासन निर्णय यथे वाचा
0 Comments